Николай Максимов

Николай Иванович Максимов - саха биллиилээх суруналыыһа, Саха Өрөспүүбүлүкэтин суруналыыстыкаҕа судаарыстыбаннай бириэмийэтин лауреата.

	Сахалар саҥаҕа сүрдээх дьоҕурдаах дьоммут.
	— Саха саҥата. - Дьокуускай: Бичик, 2010, с.5

	Далан кэмэ - кэлэр үйэ.
	— Саха саҥата. - Дьокуускай: Бичик, 2010, с.147

	Бастыҥтан бастыҥнар холбоһоллор, төрүөҕүҥ кэскилэ онтон быһаарыллар. Бэл үөн-көйүүр, көтөр-сүүрэр итини тутуһар.
	— Саха саҥата. - Дьокуускай: Бичик, 2010, с.189

	Өбүгэбит биһиэхэ баай культураны хаалларбыта, ону сатаан, өйдөөхтүк туһанан аан дойду норуоттарын культуратыгар киллэрэр кылааппытын хаҥатан истэрбит омук быһыытынан үйэбит уһуо этэ.
	— Театр уонна олох. - Дьокуускай: Сайдам, 2005, с.3

	Дьиҥэр, народнай театрдар интеллигенцияҕа, эдэр ыччакка тирэҕирэн үлэлиэхтээхтэр.
	— Театр уонна олох. - Дьокуускай: Сайдам, 2005, с.7

	Далан кэмэ - кэлэр үйэ.
	— Театр уонна олох. - Дьокуускай: Сайдам, 2005, с.147

	Драматург булбут тиэмэтэ төһө да арылхайын, конфлига сытыытын иһин, манна көстөр персонажтар оруоллара быһаарар миэстэни ылбат буоллахтарына, пьеса суолтата сүтэр.
	— Театр уонна олох. - Дьокуускай: Сайдам, 2005, с.11

	Саха сиригэр театры таптыыллар.
	— Театр уонна олох. - Дьокуускай: Сайдам, 2005, с.12

	Национальнай театр үөскээһинэ ханнык баҕарар омук духовнай олоҕор биир сүҥкэннээхэй событие, өрө көтүү буолар.
	— Театр уонна олох. - Дьокуускай: Сайдам, 2005, с.20

	Дьаакып – норуот сырдык баҕатын түмэн көрдөрөр сүдү характер (Алампа "Дьадаҥы Дьаакып" драматын туһунан).
	— Театр уонна олох. - Дьокуускай: Сайдам, 2005, с.62

	Норуот олоҕун киэҥник уонна кырдьыктаахтык ылан түмэн көрдөрүү, бөдөҥ характердар, көрөөччү өйүгэр-санаатыгар чопчу туһаайыллыбыт ис хоһоон - саха эрдэтээҥи драматургиятын сүрүн күүһэ.
	— Театр уонна олох. - Дьокуускай: Сайдам, 2005, с.64

	Юрий Платонов ырыа ис хоһоонугар иҥэн-тоҥон киирэринэн, чахчы иэйиилээхтик ханнык баҕарар ырыаҕа бэйэтин сыһыанын биэрэн ыллыырынан уратылаах.
	— Театр уонна олох. - Дьокуускай: Сайдам, 2005, с.65

	Ойуунускай тыла аҥардас истэргэ кэрэ, дьиҥнээх төрүт-уус саха норуотун тыла буоларын ааһан, бу охсуһар, айар-тутар тыл.
	— Театр уонна олох. - Дьокуускай: Сайдам, 2005, с.71

	Симон Федотов артыыс быһыытынан саамай сыаналанар өттө - кини ханнык да уобараска оонньоотор персонаж ис эйгэтин спектакль сүрүн ирдэбилигэр сөп түбэһиннэрэн айарга дьулуһар.
	— Театр уонна олох. - Дьокуускай: Сайдам, 2005, с.74

	Баһылай Харысхал - эдэр ааптар. Норуот олорон ааспыт тыҥааһыннаах, өлөр-тиллэр охсуһууга сылдьыбыт сылларын була, оҥоро сатаабакка ис сүрэҕиттэн истиҥник этигэр-хааныгар иҥэрэн, дууһатыгар сөҥөрөн чиэһинэйдик суруйара махталлаах.
	— Театр уонна олох. - Дьокуускай: Сайдам, 2005, с.82

	А.Кулаковскай, А.Софронов, Н.Неустроев айымньылара профессиональнай театр үөскүүрүгэр төрүтү, бөҕө олоҕу биэрбиттэрэ.
	— Театр уонна олох. - Дьокуускай: Сайдам, 2005, с.82

	Саха театра силис-мутук тардан үөскээн-сайдан иһиитэ нуучча бөҕө, олохтоох-сиэрдээх баай реалистическай искусствотын кытта ыкса ситимнээх.
	— Театр уонна олох. - Дьокуускай: Сайдам, 2005, с.82

	Ханнык баҕарар театрга артыыс сүрүннүүр оруолу ылар.
	— Театр уонна олох. - Дьокуускай: Сайдам, 2005, с.83

	Саха профессиональнай театрын дьиҥ төрдө саха норуотун баай фольклоругар сытар.
	— Театр уонна олох. - Дьокуускай: Сайдам, 2005, с.83

	Саха киһитэ хайдахтаах курдук уус-уран кэпсээнньитий, хайдахтаах тулуурдаах истээччиний!
	— Театр уонна олох. - Дьокуускай: Сайдам, 2005, с.83

	Саха артыыһа үчүгэйдик эбэтэр куһаҕаннык оонньуон сөп, ол эрээри кини хайаан да уобараһы айарга дьулуһуо.
	— Театр уонна олох. - Дьокуускай: Сайдам, 2005, с.83

	Дмитрий Федорович, кырдьык да, уһулуччулаах артыыс эрэ буолбакка гражданин, личность быһыытынан сүдү киһи этэ (Дмитрий Ходулов туһунан).
	— Театр уонна олох. - Дьокуускай: Сайдам, 2005, с.84-85

	Ханнык баҕарар артыыс классикаҕа да, аныгы репертуарга киэҥник туһаныллар буоллаҕына киниэхэ айан умсулҕан, бэйэ күүһүгэр, дьоҕуругар эрэл үөскүүр.
	— Театр уонна олох. - Дьокуускай: Сайдам, 2005, с.87

	Театрга кэлэн биһиги, көрөөччүлэр, бириэмэни тохтотон, бу маннык үлэлээн-хамсаан, айан-тутан улуу да кэмҥэ, кэрэ да дьон олорор эбиппит ээ, диэн сүөм үрдээн, санаалыын сайдан, сүрэхтиин сөбүлээн, үөрэн-көтөн тарҕаһабыт.
	— Театр уонна олох. - Дьокуускай: Сайдам, 2005, с.88

	Көрүҥнүүн-бодолуун, быһыылыын-майгылыын, өйдүүн-санаалыын Герасим Васильев дьиҥнээх саха артыыһа.
	— Театр уонна олох. - Дьокуускай: Сайдам, 2005, с.119

	Бассабыыктар саҥардыы былааһы ылан күннээн-күөнэхтээн эрэр кэмнэригэр маннык пьесаны суруйуу суруйааччы харса суоҕун, гражданскай иэһин үрдүктүк өйдүүрүн туоһута (Николай Неустроев "Тар" комедиятын туһунан).
	— Театр уонна олох. - Дьокуускай: Сайдам, 2005, с.136

	Андрей Борисов төрөөбүт норуотун улуу муудараһыгар, дириҥ улаҕалаах өйүгэр, баай философиятыгар тирэҕирбитэ, кини төрөппүт чулуу уолаттарын өйдөрүн-санааларын сахалыы тыыннаан үөһэ көтүтэн, өлбөт аналлаата.
	— Театр уонна олох. - Дьокуускай: Сайдам, 2005, с.143

	Киһи тус бэйэтин өйдөбүлэ общество сиэрин-майгытын кытта сөп түбэспэт буоллаҕына комедия түгэнэ үөскүүр (Николай Неустроев "Куһаҕан тыын" айымньытын туһунан).
	— Театр уонна олох. - Дьокуускай: Сайдам, 2005, с.150

	Суох, куһаҕан тыын иччигэ, абааһыга буолбатах, куһаҕан тыын - бары сиэри-майгыны кэһэн, оҕо-уруу, дьон-сэргэ диэн сырдык өйдөбүллэри тэпсэн киһилии сэбэрэни сүтэриигэ сытар диэн драматург этэр (Николай Неустроев "Куһаҕан тыын" айымньытын туһунан).
	— Театр уонна олох. - Дьокуускай: Сайдам, 2005, с.150

	Бырдаахап алдьархайа - саҥа олоҕу кытта саҥа сиэр-майгы үөскээһинин билбэтэ, билэргэ да кыһаммата (Николай Неустроев "Куһаҕан тыын" айымньытын туһунан).
	— Театр уонна олох. - Дьокуускай: Сайдам, 2005, с.150

	Революция иннинээҕи саха үөрэхтээх интеллигенцията төрөөбүт норуоттарын ааҥнаан иһэр аана суох алдьархайтан өрүһүйээри туруулаһан охсуспуттара.
	— Театр уонна олох. - Дьокуускай: Сайдам, 2005, с.151

	Кини спектакла притчевай ис хоһоонноох ханнык эрэ ытык дьайыыны санатар (режиссер Юрий Макаров туһунан).
	— Театр уонна олох. - Дьокуускай: Сайдам, 2005, с.163

	А.И.Софронов драмалара бу үйэ саҕаланыытыгар суруллубуттара. Ол тухары Алампа драмаларын нөҥүө бүгүҥҥү биһиги олохпутун тыктаран көрөрбүт тохтообот.
	— Театр уонна олох. - Дьокуускай: Сайдам, 2005, с.164

	Народнай театрдар миэстэтигэр тугунан да кэмнэммэт улахан үлэни ыыталлар, кинилэр дууһа эмчиттэрэ буолаллар.
	— Театр уонна олох. - Дьокуускай: Сайдам, 2005, с.168

	Сиэн Өкөр пьесалара ураты эйгэлээхтэр, ону кини аҕыйах ремарканан да олус бэргэнник ойуулаан кэбиһэр дьоҕурдаах.
	— Театр уонна олох. - Дьокуускай: Сайдам, 2005, с.170

	Сиэн Өкөр пьесалара омос көрүүгэ төһө да курус тыыннаах курдук буоллар, киһини өрө көтөҕөр, чэбдигирдэр, ыраастыыр күүстээх.
	— Театр уонна олох. - Дьокуускай: Сайдам, 2005, с.171

	Классика диэн, ханарытан эттэххэ, нация духовнай сайдыытыгар сүҥкэн суолталаах, төһө да кэм ааспытын иһин күөрэйэн тахса турар, күндү кылаат буолар бастыҥ уус-уран айымньыларбытын ааттыыбыт.
	— Театр уонна олох. - Дьокуускай: Сайдам, 2005, с.172

	Классика хайа да кэмҥэ кырдьыбат, араас өҥүнэн күлүмүрдүү оонньоон, билиҥҥи олоххо сыһыаннаах саҥа ирдэбиллэри туруоран эдэригэр түһэн иһэр дьиктилээх.
	— Театр уонна олох. - Дьокуускай: Сайдам, 2005, с.172

	Алампа драматургията - саха олоҕун энциклопедията. Кини пьесаларынан атын омук дьоно саха норуотун туһунан толору өйдөбүлү ылыан сөп.
	— Театр уонна олох. - Дьокуускай: Сайдам, 2005, с.172

	Алампаны Саха эрэ театра туруоруон, кини пьесаларыгар саха эрэ артыыһа оонньуон сөп. Кини сахата бэрт.
	— Театр уонна олох. - Дьокуускай: Сайдам, 2005, с.174

	Саха драматическай театрын историятыгар үйэни түмүктүү, саҥа үйэни көрсө, аан дойду таһымыгар хоруйдуур этапнай спектакль тахсан эрэр ("Кыыс Дэбилийэ" спектакль туһунан).
	— Театр уонна олох. - Дьокуускай: Сайдам, 2005, с.177

	Оҕоҕун бэйэҥ тылгар-өскөр уһуй, үйэлэргэ муспут баай үгэскэр сыһыар, үтүөнү утумнаа - "Кыыс Дэбилийэ" спектакль сүрүн идеята.
	— Театр уонна олох. - Дьокуускай: Сайдам, 2005, с.200

	Андрей Борисов эт-хаан бэйэтин норуотун айымньыларын Сахатын театрын сценатыгар туруоран аатырда. Ол аата саха да суруйааччыта аан дойду таһымыгар хоруйдуур, киһи аймаҕы долгутар "чулуу айымньыны" айар кыахтаах эбит дэттэ.
	— Театр уонна олох. - Дьокуускай: Сайдам, 2005, с.236