Сиэн Чолбодук

Сиэн Чолбодук — Ньурба улууһун Ньурбачааныттан төрүттээх тылбаасчыт, кэпсээнньит, драматург, Саха ускуустубатын үтүөлээх диэйэтэлэ.

	Хара сир устун саас маҥнай Хааман иһэр кэрэтиэн! Сэрэммиттии аргыый аҕай Сири көрөн иһэбин.
	— "Ньургуһуннар" ырыаттан

Мин И. Гоголев "Ыҥырар уоттар" (маннык этэ, бадаҕа) диэн хоһоонунан дьоҕус кинигэтин хайдах эрэ сэҥээрбэккэ аһарбыппын уонна онно Витаминин диэн эбиилик ааттааҕын ахсарбатахпын, онтон эмискэ Ньурба Куочайыгар олорон лааппыттан "Ыраах суолга" диэн кинигэтин ылан ааҕан баран, олус сөҕө үөрбүппүн, бэл бэйэм хоһоон суруйан туран кэлбиппин кэпсиибин. Кырдьык оччолорго ити кинигэни кытта П. Тобуруокап "Төрөөбүт алааспар" диэн хоһооннорун чараас хомуурунньугаттан олус үөрбүтүм, өрө көтөҕүллүбүтүм. Бэл букатын бүппүтүнэн, улугура өлбүтүнэн ааҕа сылдьыбыт саха литература баар эбит диэн бигэ санааҕа кэлбитим. Ол курдук суолталаммыттара миэхэ ити икки кинигэ. Онтон тэптэн университеты бүтэрэн бу театрга кэлэн турдаҕым дии.

— Сиэн Чолбодук, Быыс аһыллар, Москуба: Айыына. - 2000, 199 с., 20 С.

	...биһиги хайа даа күн сэдэх дьону бэлиэтии көрө охсон өйүү-убуу сатаабаппыт оҕото сыттаҕа дии.
	— Сиэн Чолбодук, Быыс аһыллар, Москуба: Айыына. - 2000, 199 с., 21 С.

	Биллэн турар, кириитикэни таптаабыт, сөбүлээбит суоҕа чахчы. Ол айылҕа киэбэ быһыылаах.
	— Сиэн Чолбодук, Быыс аһыллар, Москуба: Айыына. - 2000, 199 с., 24-25 С.

Саха литературатын акскаала Суорун Омоллоон үгүс мунньахтарга И. Гоголевы, Ф. Потаповы элбэхтик, суруйааччылар оонньоон этэллэринии, наар "лүҥсүйэн" тахсара. "Күкүр Ууһу" кылгатан дойдутугар кэлэринэн бүтэрбиппин сөбүлээбэт диэн быһаарара Ф. потапов ардыгар аһаралыыр курдук ол кириитикэни. Сөҕүөм иһин биирдэ миэхэ этэн турар: "Суорун Омоллоон кириитикэтэ баара биһиэхэ үчүгэй ээ, кымньыы буолар, биһиги нэһирэн олорон хаалыахпытын сөп", - диэн.

— Сиэн Чолбодук, Быыс аһыллар, Москуба: Айыына. - 2000, 199 с., 25 С.

	Театр олоҕу хайдах баарынан сүһэн ылан, үтүктэн көрдөрөр эрэ аналлааҕа буоллар, театр буолуо суох этэ. Кини олоххо баартан талан, түмэ тардан ылан, онтун улаатыннаран күүстээх көстүүнэн дьүһүйэн көрдөрөр.
	— Сиэн Чолбодук, Быыс аһыллар, Москуба: Айыына. - 2000, 199 с., 26 С.

	Саха тыллаах баарын тухары эрэ баар Амма Аччыгыйа. Тылбаас аата тылбаас... Атын, дьиҥнээх буолбатах.
	— Сиэн Чолбодук, Быыс аһыллар, Москуба: Айыына. - 2000, 199 с., 36 С.

	Уус-уран тылбаас бэйэтэ туспа эйгэлээх айар үлэ буолар. Ол иһин биир айымньынын хас даа тылбаасчыт атын атыннык таһаараллар.
	— Сиэн Чолбодук, Быыс аһыллар, Москуба: Айыына. - 2000, 199 с., 54 С.

	"Урут эппиккэ ураҕастаах тиийбэт" диэбиккэ дылы, хайаан да инникилэртэн атыны эттэххинэ сатанар.
	— Сиэн Чолбодук, Быыс аһыллар, Москуба: Айыына. - 2000, 199 с., 59 С.