Кырынаас
Кырынаас
Кырынаас Евпропаҕа, Азияҕа уонна Хотугу Америка хоту өттүгэр киэҥник тэнийэн уоскээбит кыыл.
Саха сиригэр кырынаас Хотугу Муустаах байҕал арыыларыгар тиийэ көстөр. Республика сиригэр-уотугар бүтүннүүтүгэр баар эрээри, тэнийиитэ биир тэҥэ суох. Халыма уонна Индигиир намталларыгар күөллэрдээх дэхси сирдэргэ ахсаана ордук элбэх. Саха сирин соҕуруу өттүгэр уонна туундараҕа ахсаана лаппа аҕыйах. Кырынаас туундараҕа, ойуур быыстаах тундараҕа, тайҕаҕа олохсуйар. Олохсуйар сирин таалытыгар сүрүн аһылыгын-кыра кэрбээччилэр элбэхтэрэ суолталаах. Быраабыла курдук, кырынаас ууттан чугас өрүстэр уонна үрэхтэр биэрэктэригэргас уу ылар намталларыгар, тыа күөллэрин чугаһыгар, хочолорго олохсуйар. Халыҥ тыаҕа иһирдьэ ыраах сэдэхтик киирэр; ойуурга ото үүнэн эрэр өрт сиэбит, кэрдиллибит сирдэргэ, ыарҕа быыһылыгар, тыа саҕатыгар (ордук сэлиэнньэлэртэн, бааһыналартан чугас) баар буолар. Ойдом турар кыра тыаларга уонна оттох аппаларга кыра тыаларга көстөр. Аһаҕас сирдэргэ, ото-маһа суох хайаларга олохсуйбат.