Доҕоруом, дабай күөх сыырдаргын (Далан арамаана)

Биики_Домох диэн сиртэн ылыллыбыт
Перейти к навигации Перейти к поиску

Саха норуодунай суруйааччыта Далан арамааныгар үрдyк уөрэх кыhaтын устудьуоннарын олоҕо ойууланар. 

  • "Каток киллэркэй иэнигэр сүүhүнэн лаампа ча5ыла- кундээрэн олус да сырдык! Ньургун көтүө5эр кыната суох, хаҥкыта лыҥкыныы сыыйыллар... Иннигэр Лена5а маарынныыр дьулугур уҥуохтаах кыысчаан ыраах уоттар диэки элээрэр, маҥан шарфига салгыҥҥа охсуллар. Ньургун кыыhы сибилигин ситэн, кимин билиэм дии саныыр да, кыыс ситтэриэхчэ ситтэрбэт. Эмискэ кинилэр ыккардыларыгар үрдүк уҥуохтаах уол быhа көтөр...- Раз-Два! Оп-па! Раз-Два! Оп-па!-дьукаа5а Никитин зарядка онорон ынчыктыыр. Алыптаах туул мэлис гынар.- Бириэмэ ырааппыт. Туруҥ-туруҥ, до5оттоор!"                                               
  • "Ньургун тумбаттан курсуйбут килиэби ылан хачыгырата олордо5уна Уйгуурап киирбитэ, кини бүгүҥҥү сырыытынан чахчы дуоhуйбут этэ, "саhaaн охсон кэллим, дэлби сылайдым" диэбитэ. Уолан киоска5а үлэлиир Зинаны кытта билсэрэ, онно күүлэйдээн кэлэрин "саhaaн охсобун" диэн ааттыыра...- До5оор, мин эйиигин сатаан өйдөөбөппүн, кыыстаах буолан баран хайдах итинниккиний?- Тугу этэрин буолла, өйдөөбөтүм ээ... Ол кини миэхэ кэргэн үhү дуо?- Кэргэн буолбата5ын иhин, оттон таптал?- Таптал диэннэрин мин билбэппин".                               
  • "- Абсолютнай истина диэн баар буолуохтаах!- кыара5ас харахтаах, сылластыгас уостаах, харса суох көрүҥнээх уол ыйыталаhaр.- Хайдах суох буолуой? Чэ, холобур мин, Солук Быканов, 1930 сыллаахха төрөөбүтүм. Ол абсолютнай истина буолбат үhү дуо?- Суох, буолбат. Айыл5а бириэмэтигэр 1930 диэн сыл суох. Ону биhи ханнык эрэ Христос төрөөбүтүттэн аа5абыт.- Ба5ар эн төрөөбөтө5үн буолуо?- Оттон оччо5о хантан кэлэн турабын бу?- Ба5ар, эн атын киhи буолаайыккыный?- Атын киhи кубулунан кэлэн турара буолуо дуо?- Ким билэр, араас буолуон сөп.   Күлсүүттэн хос иhэ титирэстиир."                             
  • " Быкановтаах Уйгуурап эрийсэн туран саахыматтаабыттара ыраатта. Оонньуу интэриэстээх, ол аата сүүйсүүлээх этэ, онон ким да5аны сүбэлии соруммата.- Хоруолуҥ гамбита туhaлаабытыгар тиийдэ, чэ, бэрин.- Бука, тохтоон баран кыайарын буолуо ээ.- Слонунан туhээхтиирин, дуу? Ол эйиэхэ көмөлөспөтө буолуо.- Көрүөхпүт.- Көрүөхпүт.- Кэбис, бэрин маннык балаhыанньа5а Ботвинник да бэриниэ этэ.- Эн кыайтар, киhини мэнээн эрэйдээмэ".         
  • "Бу киэhэ Тулааhынаптаах хосторо бэhис куорпуска үҥкүлүү тахсаары сүпсүгүрбүтэ. Уолаттар тэбэнии- сахсыныы бө5ө буолбуттара... Yөрэн- күлэн, кирилиэhинэн лиhигирэhэн аллара түспүттэрэ...                                           
  • Сып-сырдык, ып-ыраас киэhээҥи им куораты иилээн турар үрдүк мырааннар кэтэхтэригэр килбэйэ толбоннура сүтэн эрэрэ. Соҥуора сөҥөдүспүт мырааннар күлүктэрэ барыйа халыйан, куораты сып- сылааhынан кууспута. Аhа5ас түннүгүнэн хантан эрэ баян эҥээркэй дор5ооно, кыыс о5о хатан күлүүтэ иhиллэрэ. Эмньик эдэр сүрэх туох эрэ үөрүүлээ5и күүтэр, ханнык эрэ дьол тосхойор кэрэ киэhэтэ үүммүтэ".   
  • "Шурик Елизаров куоракка төрөөбүтэ уонна куоракка олорбута. Никитиннээх Тулааhынап курдук сут дьыллар хаарыйбатах, тиийиммэт- түгэммэт диэн тугун кулгаа5ынан эрэ истибит буолуохтаах. Институкка үөрэнэрин устатыгар уопсайга олорбото5о, субуоталарга уҥкуугэ эрэ кэлэн барара. Аллар атаhа Аркадий Антонов этэ, кини эмиэ куоракка олороро".                                                       
  • "Уопсайынан, Елизаров, Антонов курдук о5олор туох интэриэстээхтэрин, тугунан тыыналларын Ньургун билбэт эбит. Бу киэhэ толкуйдаан көрдө5үнэ, кинилэртэн букатын атын эйгэ дьоно быhыылаахтар. Семинарга, уопсайга күүдэпчилэнэн тахсар мөккүөрдэргэ истэригэр кинилэр туох дии саныылларын сэрэйэр кытаанах".