Бэрияк Алексей Алексеевич

Бэрияк Алексей Алексеевич (Бээрийэк, Бээрийэкэнэп) — Уус Алдантан төрүтээх саха бэйиэтэ, тылбаасчыта, прозаига.

Хоһоонноруттан быһа тардыылар

	Мин эдэр төбөбөр охсуллан ааһаллар: Сарыаллаах-саталлаах, түгэхтээх санаалар... Убайан сандааран тырымнаан көстөллөр, Инники дьиктилэр — дьиримнии көтөллөр
	— Хоһооннор (А.А. Бээрийэкэнэп) ыам ыйын 1, 1934, Мүрү дэриэбинэтэ

	Таастан тааска охсулла, Чарылыйа-суккулла, Улуу очуос быыһынан Сүүрэр-көтөр Уйаандьы...
	— Өрүһүйэр күн күүстэн, Уйаандьы, 1949

	Кэмсиин, тымныы киэһэлэргэ Харыс бараан халтаҥнарга Кулуһуммут уоттарын Куугуначчы оттон баран, Хоту хайам тэллэҕэр Хонор, өрүүр бэрдин даа!
	— Хоту хайа устун, Эппокилкээн, 1949

	Сүрэххэ өрүү минньигэс Сөрүүн-сөрүүн уулардаах Кыра, бөдөҥ кээкирдэргэ Кырылаччы охсуллар — Таастарыгым үрэҕэ Чарылыыра кэрэтиэн!
	— Хоту хайа устун, Эппокилкээн, 1949

	Кэннинэн кэхтэри билбэппит, Билэбит — инники кимиини, Өбүгэ саҕаттан үгэспит — Өстөөҕү өргөскө түһэрии.
	— "Бардыбыт боевой походка" диэн Аҕа дойду сэриитин сылларыгар ырыа буолбут хоһоонуттан

Кини туһунан атыттар

	Үчүгэй маллаах ыалга биллэн турар, кыргыттар ымсыырарбыт. Оттон аҕабыт утарар суола – ити! Мещанныы быһыы диэн мааны миэбэли, иһити-хомуоһу мунньунар дьону сэмэлиирэ.
	— Бэрияк Аида Алексеевна, «ТУОХТАН ДА КҮНДҮТҮК КӨРӨБҮН…» «Чолбон» сурунаал редакцията «Чолбон» сурунаал редакцията, 16.10.2023