Михайлов Никандр Иннокентьевич
Михайлов Никандр Иннокентьевич - Аҕа дойду улуу сэриитин кыттыылааҕа, 20 сааһыгар Ржев куорат анныгар ыараханнык бааһыран өлбүт.
1923 сыллааҕы төрүөх. Сунтаарга райком бибилэтиэкэтигэр үлэлии сылдьан тылланан сэриигэ барбыт.
Миигин аны ааны аһан киирэн кэлиэ диэн күүтүмэҥ... баҕар, миигин сүүстэ да буруйдааҥ, мин буруйу, сэмэни, наҕарааданы ылыммат буола сытабын. Сэриигэ күүһүнэн тылланан барбыта, санаатын ситтэҕэ дии санаамаҥ. Санаабын сиппэккэ самнан эрэбин. Саатар, биир да өстөөҕү өлөрбөккө, адьарайдар ааһар албастарыгар – миинэҕэ түбэһэн, аара былдьатан, күн сириттэн матан эрэбин. Адьарай аймаҕар абаккабын Аҕа дойду иһиттин, өстөөх син биир хотторуо... | |
| — 1943 с. тохсунньу 26 күнэ // Вестники Великой Победы, 2015, с. 99–100 |
Кыайыы түргэтииригэр элбэхтик үлэлээҥ, күҥҥүтүн эҥээргитигэр бааныҥ. Оччоҕо Ийэ дойдугут эһигини ичигэс хонноҕор бүөбэйдиэ. Сотору кыайыы үөрүүтүн билиэххит. Оччолорго мин оҥкучаҕым буоругар сибэкки бытыгырыа. Кэлин уһун дьоллоох олоххо олоруоххут. Ол саҕана мин ииним үрдүгэр куорат тутуллуо. Өллөрбүн да өстөөҕү өһүү сытыам. Мэлдьитин музыка тыаһа кутуллуо. Мин музыка арааһын оҥорор Шуя куоракка сытабын. Бу суругум тиийиэн иннинэ өлбүтүм туһунан биллэрии тиийэрэ дуу? Онно олох кыһаллымаҥ, малыччы ытаһымаҥ. Ийэ сирбит элбэх харах уутун, баҕар, уйуо суоҕа. | |
| — 1943 с. тохсунньу 26 күнэ // Вестники Великой Победы, 2015, с. 99–100. |