Яна Байгожаева

Яна Ербулатовна Байгожаева - саха суруйааччыта, бэйиэт, суруналыыс, Арассыыйа суруйааччыларын Сойууһун чилиэнэ. Уус Алдаҥҥа төрөөбүтэ.

Айымньыларыттан

	Ситэ этиллибэтэх тыллар Сибэкки дьөрбөтүн курдуктар.
	— Сырыы аайы саҥаттан. - Дьокуускай: Бичик, 2007, с.5

	Мин таптыыр, эрэнэр Эрэлим, Үгүстүк санааргыыр Эрэйим, Хомотор, хоргутар Тойонум, Эйэҕэс-сайаҕас Сэгэрим.
	— Сырыы аайы саҥаттан. - Дьокуускай: Бичик, 2007, с.25

	Мин эйиигин таптыыбын Үгүс тыла суох, Тыллаах бэйэм.
	— Сырыы аайы саҥаттан. - Дьокуускай: Бичик, 2007, с.34

	Хотойдор соҕотох көтөллөр, Үөһэнэн кыырайа дайаллар. Кинилэр көҥүлү таптыыллар, Хаайыыны, хаарчаҕы уйбаттар.
	— Сырыы аайы саҥаттан. - Дьокуускай: Бичик, 2007, с.44

	Этиллиэхтээх тыллар Кэмигэр этиллибэккэ хааллахтарына, Күн саҕахха киирэн саһарыныы, Сарсыҥҥытыгар суолталара сүтэр.
	— "Чолбон" сурунаал, 2022, с.40

Яна Байгожаева туһунан

	Яна Байгожаева айылҕаны кытта дьиҥ-чахчы ситимнээх, дириҥ хорутуулаах, инникитин элбэҕи эрэннэрэр поэт (Наталья Харлампьева).
	— Сырыы аайы саҥаттан. - Дьокуускай: Бичик, 2007, с.3

	Олоҕу таптыыр, айар-тутар аналыгар кини төрөөбүт норуотун философиятыгар тирэҕирэр (Наталья Харлампьева).
	— Сырыы аайы саҥаттан. - Дьокуускай: Бичик, 2007, с.3

	...кинини оннооҕор тымныы кытта чэбдигирдэр, олоххо дьулуурун күүһүрдэр, хайа да ыарахан түгэнтэн кини мичээрдээбитинэн тиллэн кэлэр (Наталья Харлампьева).
	— Сырыы аайы саҥаттан. - Дьокуускай: Бичик, 2007, с.3