Тыл: Барыллар ыккардыларынааҕы ураты
Көннөрүү туһунан суруллубатах |
|||
65 устуруока: | 65 устуруока: | ||
Санаан кэллэрбин эрэ — санньы-курус уостабын, умуллабын. |
Санаан кэллэрбин эрэ — санньы-курус уостабын, умуллабын. |
||
Майгым-сигилим маратыйа уларыйар. |
Майгым-сигилим маратыйа уларыйар. |
||
Ыарыы суоҕар ыарыы ынчыгынан тыынабын. |
[[Ыарыы]] суоҕар [[ыарыы]] ынчыгынан тыынабын. |
||
Тылбын, төрөөбүт тылбын, сахалыы саҥабын суохтуубун.|Ааптар=[[Сиэн Кынат]]}} |
Тылбын, төрөөбүт тылбын, сахалыы саҥабын суохтуубун.|Ааптар=[[Сиэн Кынат]]}} |
||
16:47, 21 Муус устар 2019 барыл
Тылга сыһыаннаах өс хоһоонноро
- Аҕыйах тыл минньигэс, элбэх тыл сымсах.
- Быhах сытыыта, тыл чобуота ордук.
- Киһи тыла – ох
- Киһи тыла уоттааҕар абытай.
- Кыһыл тыл - байҕалы оломнуур.
- Сиэрдээх тылы утарар кытаанах.
- Тыл барда – бас барда
- Тылы тыалга бырахпаттар.
- Үтүө ат биир кымньыылаах, үтүө киһи биир тыллаах.
- Үтүө тыл баайдааҕар күндү
- Эппит эйэҕэс тылыҥ үтүөнэн эргиллэн кэлиэҕэ.
- Элбэх тылтан элбэх сыыһа тахсар.
- Эр киһи тыла биир.
- Эн эппэтэҕиҥ – таҥара эппитэ буоллун.
- Киһи кэпсэтэн, сылгы кистэһэн, ынах маҥыраһан билсэр.
- Кэһиллибэт кэс тыл.
- Өс хоһооно - өбүгэ номоҕо.
- Саха оҕуһун мииннэ да ырыаһыт.
- Кыыс оҕо ырыатыгар кыттыспыт, уол оҕо тойугар холбоспут.
- Устар ууну сомоҕолуур уус тыллаах.
- Тыл уҥуоҕа суох.
- Кулгаах ырааҕы истэр, харах чугаһы көрөр.
- Этиллибит тыл иһиллибэт буолбат.
Сомоҕо домохтор
- тыл ааҕыс
- тыла айаҕар баппат, атаҕа суолга баппат
- тыла бара турар
- тыла бөлүөһүннэ (булдьуйда)
- тыла кыһыйар
- тыла өҕүллүбэт
- тыла-өһө тобуллар
- тыла өһүлүннэ (сөлүннэ)
- тыла суох барда
- тыла суох ыыт
- тыла тарпыт
- тыла тахсыбат
- тыла тиийэр
- тыла уҥуохтана илик
- тыла уһуктаммыт
- тыла халыҥ
- тылбай-өспөй буол
- тылбытын аҥардаһыах
- тылга иҥнэр (түбэһэр)
- тылга киллэр
- тылга олорт
- тылгар тур
- тылга тиис
- тылгын тылбыылаа
Хоһоонтон быһа тардыылар
Сүүрбэһис үйэ муммут | |
— Умсуура |
| |
— Сиэн Кынат |
Куту-сүрү кууһар тылы, | |
— К.Васильева |
Уу устар, уларыйар | |
— Алампа |
Тыл туһунан бэргэн этиилэр
- Өскө төрүт тылгын умнуоҥ -
Өнүйбэккэ ииниэҥ - хатыаҥ,
Силис тардыах сиргин тумнуоҥ -
Симэлийэн сүтэн барыаҥ. (Семен Руфов)
- Ханнык тыл этиллибитэ суолтата суох, ол тыл хайдах этиллибитэ суолталааҕа кырдьык эбит.
- Бэл диэтэр, туох да кэтэх санаата суох алҕас төлө ыһыктыллыбыт тыл саҕа сытыы, ыарыылаах туох баар үһүө.
- Оо, дьон киһи сүрэҕин саамай уйан бааһын холуон тылынан таарыйаргытыттан тоҕо сэрэммэккит буолуой?
- Дарбааннаах тыл бэрт дөбөҥнүк этиллэр даҕаны, ол курдук бэрт дөбөҥнүк күдэн кэриэтэ көтөр даҕаны.
- Ардах уута хотоол сиргэ мустарын кэриэтэ, тыл хонноҕуна хонон барааччы.
- Өйдөммүт өй, этиллибит тыл барыта туолан истэр, орто дойду олоҕо олус да судургу буолуох этэ. Софрон Данилов
- Уу устар, уларыйар,
Үрэх сүүрүгүрэр, сүүдүйэр,
Киһи кэхтэр, кэбэлийэр,
Тыл сытыйбат, сыттаммат,
Сурук сууйуллубат, суодуйбат.
Алампа
- Төрөөбүт тылы таптааһын төрөөбүт норуоту таптааһыны, киниэхэ ис сүрэхтэн бэриниилээх буолууну кытта быстыспат ситимнээх.
А.Е. Мординов
- Ийэ тылгыттан абыралы булуоҥ,
Кини баай байҕалыгар тиксэҥҥин
Баай дууһаланыаҥ,
Өлбөт өйдөнүөҥ.
Семен Данилов
Наассыйа ордук үчүгэй бас билиитэ - кини тыла | |
— Иосиф Бродскай |